الشاعر حمزة الكودابي ( القدال الشايقي )

يا بيس بيس
نوارة وذوق فنان وحسيس
جيتي الاولى وفوتي الميس
وكمان نورتي الليلة الفيس
وانا وين شفتك غير في الفيس
يا بيس بيس
يا ست الفيس
يا روح الفيث
يا بوك الفيس
فكرت افلفل دلهي وكل باريث
واستعمر يالطا واكون قابيس
واجند كل الجن تلبيس
من درفونهم لا ابليس
واكون سليمانك يا بلقيس

اعجبني بشده

نرجو التواصل والمزيد من الاشعار ي قدال

الني لي النار
كتّر رقاد علي صفحة
زادن قطايعي البي
ما بنفع الصهيين
لي ناس ضميرن حي
وما بتسمع الزغرود
لو ما ركز يا جني
لا بد يعود للنار
لو مو نجيض الكي

روحك بياض ليلة قمر
يمكن تكون ساعة سمر
ضحكة طفولة منعمة
او نسيمات في الفجر
طيفك طبيب شايل الدوى
انقذ مريضا في خطر
وصفةعلاج مليانة حب
همسة حنان وقت السحر
عقلك ركام مليان وشايل
زي بساتين الشجر
او مانجم زاخرة تب
او دهاليز البحر
متمني اغوص جواهو يوم
واملا الخزاين بالدرر
يا بسمة بقدل في ضياها
رايعة زي ريحة المطر

بفكر فيك طول اليوم
قبل ما انوم وكت اصحى
وحين القاك يا بسمة
تمر الساعة زي لمحة
مشاعر اب بدرس بنته
طفلة صغيرة بى طرحة
واعاود تاني للافكار
وارسم ليك كم لوحة
وساعة انتي في المشوار
تديني الحمى كم لفحة
واحسب في الزمن راجيك
واقول الباقي كم شبحة

الله عليك ي استاذ
تسلم كتير ي عمو
نرجو اامزيد من التواصل

» هدايا من حمزة الكودابي الى كل الأصدقاء
» الشاعر الكودابي احمد ودالعمدة
» الاستاذ. محمد طه القدال
» الشاعر سيد عبد العزيز
» الشاعر محمد الحسن سالم حميده